नाते हे अपुले
कुठले अनामिक
राहुदे प्राजक्ता परी
अर्थ अपूर्ण ओळींमधले
जपुया मन मंदिरी
नाते हे अपुले
कुठले अनामिक
राहू दे मोगऱ्या परी
सुवास त्याचा दरवळू दे
आपुल्या आयुष्या वरी
नाते हे अपुले
कुठले अनामिक
राहू दे जाई परी
अल्लड कोमल खरा भाव हा
उमटेल ही हृद्यावरी
नाते हे अपुले
कुठले अनामिक
राहू दे अनंता परी
अस्तित्व त्याचे मोहरुदे
शेवटच्या श्वसा वरी
No comments:
Post a Comment