तू असण्याची आताशा सवय झालिये मला
तुझं बोलणं तुझं असणं
मनात भरून राहतं
माझंही मन मग
भरभरून लागत बोलायला
तू असण्याची आताशा सवय झालिये मला
तू असतोस
कधीतरी असून नसतोस
तुझ्या असण्याच्या नुसत्या खुणा
शांत करतात मनाला
तू असण्याची आताशा सवय झालिये मला
कधी एखाद्या कातरवेळी
मन बावर होत
शब्द तुझे भारलेले
देतात बळ जीवाला
तू असण्याची आताशा सवय झालिये मला
तू नसशील कधीतरी
स्पर्शून जातो विचार
क्षण तुझ्या कवेतले
देतील नवा आधार
हा विश्वास वाटतो मनाला
तू असण्याची आताशा सवय झालिये मला
No comments:
Post a Comment