हसऱ्या माझ्या मनात
तुझ्या हळव्या पाऊलखुणा
काय सांगू सख्या रे
मन माझे वेडे पुन्हा
आठवत आहे सारे क्षण
ते रस्ते अन् ओळखीच्या खुणा
काय सांगू सख्या रे
मन माझे वेडे पुन्हा
अत्तराचा तो सुवास
जाणीव त्याची अल्लड मना
काय सांगू सख्या रे
मन माझे वेडे पुन्हा
आवाज तुझा माझ्या कानी
जणू विसावे शांतपणा
काय सांगू सख्या रे
मन माझे वेडे पुन्हा
स्पर्श तुझा ओला गहिरा
जागवी अधीर स्पंदना
काय सांगू सख्या रे
मन माझे वेडे पुन्हा
अस्तित्व तुझे माझ्या मनी
जणू भारलेल्या भावना
काय सांगू सख्या रे
मन माझे वेडे पुन्हा
वाटे धावावे वाऱ्यापरी
अन् भेटावे तुझ्या मना
काय सांगू सख्या रे
मन माझे वेडे पुन्हा
काय सांगू तुला सख्या रे
कसे थांबवू माझ्या मना
कश्या व्यक्त करू या भावना
मन माझे वेडे पुन्हा
No comments:
Post a Comment